Er þetta í lagi?

Í framhaldi af pælingum mínum um heimanám þá langar mig að deila með ykkur fróðleiksmola af heimavinnuáætlun Gumma þessa vikuna. 

Eins og í flestum siðmenntuðum löndum þá er 1.maí á fimmtudag um land allt ef mig ekki brestur minni og fyrir fimmtudag, 1.maí og já, uppstigningardag lítur heimavinna Guðmundar út svona:

Lestur:  Lesa í heimalestursbók upphátt.  Foreldrar kvitta (en ekki hvað?)

Stærðfræði:  Minnst ein blaðsíða (stendur reyndar nákvæmlega þetta:  Minnst 1.bls sem þýðir síðast þegar ég vissi fyrsta blaðsíða!)

Samfélags og landafræði:  Landshorna á milli lesa 32-38

Samfélags og landafræði (já, aftur) Klára að bls 31 í Land og líf.

Þannig að ég spyr, finnst ykkur þetta í lagi?  Er bara allt í sómanum að börn landsins liggi pungsveitt yfir heimanámi á tyllidögum eins og 1.maí og á sumardaginn fyrsta?  Mér finnst þetta alveg ótrúlegt og þið getið rétt ímyndað ykkur að ég er búinn að senda kennaranum hans email og spurði einmitt út í það hvort honum finnist þetta í lagi.  Ég hef ekki fengið svar en svona er þetta hér í sveit en svo mikið er víst að þetta er að ég held ekki ástundað með þessum hætti á mínum vinnustað. 

Reyndar má segja að Gummi greyið liggi yfir ofantöldu heimanámi á miðvikudaginn en á fimmtudaginn liggur hann þá yfir heimanámi föstudagsins sem hljóðar uppá lestur og vinnubók sem fylgir, ein blaðsíða í vinnubók í Mál til  komið, Samfélags og landafræði, lesa þar 6 bls. 

Annars allt gott héðan, við liggjum í heimanáminu á meðan ég rita þetta tuð um heimanámið, ja hvur röndóttur, þetta heimanám getur farið illa í taugarnar á manni, sérstaklega eftir hálf leiðinlegan mánudag með áhugalausum unglingum. 

Kveðjur bestar,

 

Athugasemdir

[the missus 28.4.2008 kl. 19:56]

Hvað er nú þetta, alltaf eitthvað að í þessum bæ  , og greyjið Gummi þarf að hugsa svo mikið um skóla, nóg stressaður stundum, hann Gummi. En svo við þurfum bara að vera dugleg að láta heyra í okkur!

Erian xxx

[María Guðmundsdóttir, 29.4.2008 kl. 05:25]

Thetta er KLIKKUN hef aldrei skilid thetta svakalega mikla heimanám yfirhøfud. Og ad setja heimanám fyrir 1.maí er ekki BODLEGT  fyrir utan hvad thetta er svakalega mikid. Einmitt ad láta í sér heyra og taka thetta ekkert i mál.

Eigid góda viku.  

[Rósa Jóhannesdóttir, 29.4.2008 kl. 10:58]

Sæll Einar

Gaman að sjá þig eftir öll þessi ár!  Reikna með að þú munir eftir mér !!  Ég hef aldrei fagnað eins mikið og þegar mín börn voru búin með grunnskólann og þetta leiðinda heimanáms vesen skal ég segja þér.  Gangi ykkur vel. Kv.  Rósa

[Einar Sveinn 29.4.2008 kl. 12:26]

Sömuleiðis Rósa, long tæm nó sí eins og þar stendur!  Takk fyrir innlitið, já, þetta heimanám getur verið pirrandi, mín skoðun er að heimanám eigi að fara fram í skólanum í 1.-6.bekk, eftir það má auka kröfur um sjálfstætt heimanám á unglingsárum, búa nemendur undir kröfur framhaldskólans.

Gangi þér vel sömuleiðs, bestu kveðjur

Einar Sv

[Pabbi 29.4.2008 kl. 22:58]

Já ekki er öll vitleysan eins. Tek undir það sem búið er að segja um þetta. Gott hjá þér að senda kennaranum hans línu,látið bara heyra í ykkur. Bestu kveðjur

[mamma 30.4.2008 kl. 10:06]

'Eg er sammála þeim sem hafa skrifað hér á undan.Þetta er nú einum of mikið.Láttu kennarann bara heyra það basta.Kveðjur í kotið Bæ bæ

[ella maja 30.4.2008 kl. 17:11]

hæ svenni minn ég er sammála þessu það á að láta krakkana læra meira í skólanum það er svona hér þau læra merst í skólanum þau læra dönsku og ensku heima ekki oft stærðfræði ég er fara til dk kl 7 í fyrramálið verð í 4 daga það er vinnu ferð ástar kveðja til ykkar bæbæ ella maja