Örstutt innslag

Ég var búinn að skrifa hér heila romsu en svo datt allt út, veit ekki af hverju og ég var ekki búinn að vista

En,ég hafði víst skrifað eitthvað um það hvað þetta væri léleg frammistaða hjá manni í blogginu, líða bara fleiri dagar og ekkert skrifað, bara ritstífla í gangi.

Vaknaði eldsnemma í morgun, úti súld og skítalyktin frá fiskifabrikkunni hér fyrir ofan að drepa mann, held ég hafi vaknað við þennan ófögnuð.  Alla vega þá flaug í hug mér fyrripartur en því miður get ég ekki botnað að neinu viti og hef reyndar ekki nokkra skáldagáfu en til gamans læt ég leirburðinn flakka:

 

Súldin ekki léttir lund

lyktin mig að pirra

Ekki kalla hundinn hund

held að það sé firra.

 

Já, bara fullsköpuð ferskeytla takk fyrir en heldur slöpp.  Hvað um það, bæjarstjórinn virðist ánægður með að hafa nóg af "peningalykt" í plássinu og kannski eru bæjarbúar bara ánægðir með lyktina sem hér er yfir nánast á hverjum degi, orðnir svona samdauna og þekkja ekkert annað? 

Svona var þetta nú á Seyðis í gamla daga, 2 bræðslur í bænum sitthvoru megin fjarðar,spúandi reyknum langt upp í loft og húsmæður gátu sjaldan hengt út þvott.  Ekkert ósvipað hér en þó var lyktin verri á Seyðis, þar hreyfði sjaldan vind og viðbjóðurinn lá eins og ský yfir öllu.  Nú eru þessar græjur orðnar svo flottar að nánast engin lykt kemur frá bræðslunum.  En hér er það hausaþurrkun sem veldur þessum óþverra, ekki bræðslur.

Nóg um það.  Vildi aðeins minnast á að mínir menn í flottu búningunum, Leeds Utd eru komnír í úrslitaleik á Wembley um laust sæti í Kóka kóla chamiponship, ekki úrvalsdeild því miður en deildinni fyrir neðan hana.  Til hamingju með það mínir menn, læt hér fylgja mynd af óþekktum Leedsara.

                                                        

Já, það er hálf leiðinlegt veðrið, bara rigningarsuddi svo krakkarnir hafa hangið innan dyra í dag.  Nammidagur, allir með snakk í þetta sinn, enginn nammipoki. 

Erian að vinna en hennar bíður yndislegt lambalæri þegar hún kemur heim sem ég er með í ofninum einmitt þegar þetta er ritað, jafnast ekkert á við íslenskt lambalæri, nema það sé lambahryggurinn og þá léttreyktur?!

En læt þetta duga, best að kikka aðeins á steikina, hella aðeins soðinu yfir og setja kartöflur í pott.

Bestu kveðjur,

Einar Sveinn og co.

Athugasemdir

[María Guðmundsdóttir, 17.5.2008 kl. 18:13]

 Til hamingju med thina menn. Já ágætt ad slugsa inni vid í súldinni og skítafýlunni,en vonandi verdur nú bót á thessu einhverntima.

pss..svo er bannad ad blogga um lambasteik og thessháttar nema thad sé kannski svona til ad borga fyrir "vedurbloggin" mín  thannig ad ok thá í thetta sinn...en hafid thad gott bara..bestu kvedjur hédan

                                                         

[Einar Sveinn 17.5.2008 kl. 18:22]

Já ætli það sé ekki málið, hefna mín á fyrir öll þessi veðurskot, maður getur alveg orðið grænn af öfund þegar þú byrjar á þessum veðurfræðum 

[mamma 18.5.2008 kl. 07:39]

Blessuð og sæl kæra fjölskylda. Verði ykkur að góðu lærið ,sem má víst ekki tala um.Þetta var fín vísa hjá þér. Annars bara kvitt kvitt.Eigið góða helgi í súldinni og skítalyktinni.Kveðjur í kotið .Bæ bæ.

[Þórunn ErlingsdóttirþLarsson 18.5.2008 kl. 17:54]

Sæll frændi, já maður er nú gamall Leeds'ari sjálfur, man eftir þegar maður var að rifast við Inga bróðir, var hann ekki Liverpoolare? Held með um að lambasteikin er nú best en elgakjötið alveg næst á eftir. Gaman að fylgjast með ykkur, þott biðin sé stundum obærileg. Margir kramar Þórunn

[Erian 18.5.2008 kl. 19:29]

Skítalykt úti! Aftur...ojjjj bara! Gaman að koma heim úr vinnuni og finna svona "yndislegt" lykt...NOT!

[pabbi 18.5.2008 kl. 22:36]

Takk fyrir bloggið og til hamingju með liðið þitt. Já þessi andsk,fýla er ógeðsleg í einu orði sagt. Verður vonandi eitthvað gert til úrbóta. En lambalærið slær öllu við. Bestu kveðjur úr Njarðvík